Санкт-Петербургда Ўзбекистон фуқароси ҳалок бўлди

Приморский туманидаги қурилиш майдончасида ўзбекистонлик фуқаро ҳалок бўлди, дея хабар беради «Конкретно».

Ўзбекистоннинг 30 ёшли фуқароси жасади 18 ноябрь куни Глухарская кўчасидаги 18-уй ёнида жойлашган қурилиш майдончасида тахминан соат 18:00лар атрофида топилган. У баланд масофадан ерга қулаган. Бу ерда аҳоли учун турар-жой қурилмоқда.

Таъкидланишича, ҳалок бўлган шахс омборчи бўлиб ишлаган. Унинг баландликдан йиқилишига нима сабаб бўлгани аниқланмоқда.

Эслатиб ўтамиз, аввалроқ Пензада ўзбекистонлик йигит ҳалок бўлганди.