Нетаньяху истеъфога чиқишни истамаяпти

Фото: Reuters

Исроил бош вазири Биньямин Нетаньяху ўзига коррупцияга алоқадорлик бўйича айбловлар қўйилса, лавозимини тарк этишни мўлжалламаяпти. Бу ҳақда i24 News телеканали хабар қилган.

Нетаньяху бундай баёнотни Бразилиядаги матбуот анжуманида берди, у ерда бош вазир президент Жозе Болсонарунинг инаугурациясига бағишланган тантанали маросимларда иштирок этяпти.

«Мен истеъфога чиқмоқчи эмасман», - дея маълум қилди Нетаньяху.

Телеканалдан қўшимча қилишларича, айбловлар қўйилган тақдирда Исроил бош вазири фақат ўзининг апелляцион ресурси тугагач, истеъфога чиқиши керак.

Эслатиб ўтамиз, аввалроқ Туркия Исроилни террорчиларга хайрихоҳликда айблаганди.