Трамп Ким Чен Ин билан янги учрашувни кутаётганини маълум қилди

Фото: Reuters

АҚШ президенти Дональд Трамп КХДР Давлат кенгаши раиси Ким Чен Ин билан янги учрашувни интиқлик билан кутаётгани ҳақида маълум қилди. Қўшма Штатлар етакчиси Twitter’даги ўз саҳифасида тегишли ёзувни қолдирган.

«Мен ҳам КХДР Давлат кенгаши раиси Ким Чен Ин билан учрашувни интиқлик билан кутяпман. У Шимолий Корея улкан иқтисодий салоҳиятга эга эканлигини жуда яхши тушунади», - дея маълум қилди Трамп КХДР етакчиси АҚШ президенти билан учрашишга тайёр экани ҳақидаги хабарларга изоҳ бериб.

Эслатиб ўтамиз, аввалроқ Ким Чен Ин Трамп билан музокараларда «бошқа йўл» излашини маълум қилганди.

Унинг маълум қилишича, Корея ярим оролини ядросизлантириш жараёнини давом эттиришга қатъий бел боғлаган, бироқ АҚШ сиёсати уни бунинг учун «бошқа йўл» излашга мажбур қилиши мумкин.

Тайёрлаган: Отабек Матназаров

#Ким Чен Ин #Дональд Трамп