Хитой амалдорлар харажатларини кескин камайтирмоқчи 

Хитой ҳукумати амалдорларнинг харажатларини камайтириш зарурлиги тўғрисида маълум қилди. Бу ҳақда «РИА Новости» ХХР бюджети лойиҳасига асосан хабар бермоқда.

Агентлик маълумотларига кўра, Хитой ҳукумати амалдорларга бизнес учун юкни камайтириш мақсадида «камарларни тортиш» ҳақида кўрсатма берган.

Таъкидланишича, Пекин мамлакат ҳукумати пул оқимларини ошириш учун барча саъй-ҳаракатни амалга ошириши керак, деб ҳисоблайди. 

Эслатиб ўтамиз, аввалроқ Хитой ҳарбий бюджетни 177 млрд долларга етказишга қарор қилганди.

Шу билан бирга, экспертларнинг фикрича, Хитой мудофааси учун реал харажатлар 25-50 фоизга юқорироқ бўлиши мумкин.