Фото: Эфиопиядаги авиаҳалокатда ҳеч ким омон қолмаган 

Эфиопияда Ethiopian Airlines авиакомпанияси самолёти билан содир бўлган авиаҳалокатда ҳеч ким омон қолмаган. Бу ҳақда Рейтер агентлиги хабар берди.

Аввалроқ Эфиопия бош вазири Абий Аҳмад Али ҳалокатга учраган Boeing 737 бортида 149 нафар йўловчи ва экипажнинг 8 аъзоси, жами 157 киши бўлганлиги ҳақида маълум қилганди.

Маълумот берилишича, самолёт Эфиопия пойтахти Аддис-Абебадан Кения пойтахти Найробига йўл олганди.

Ҳукумат фожиа оқибатида ҳалок бўлганларнинг яқинларига ҳамдардлик билдирган.

Охирги хабарларга кўра, самолёт бортида 3 нафар россиялик, 9 нафар америкалик, 7 нафардан британ ва француз ҳам бўлган.

Бу янги авлоддаги Boeing 737 самолёти билан боғлиқ иккинчи ҳалокатдир. 2018 йилнинг октябрида шундай русумдаги лайнер Индонезияда қулаб тушган, ўшанда 189 киши ҳалок бўлганди.