НАТО Қора денгиз хавфсизлиги бўйича Грузия билан ҳамкорликни фаоллаштиради

НАТО бош котибининг Марказий Осиё ва Кавказ бўйича махсус вакили Жеймс Аппатурай блок Грузия билан ҳамкорликни кенгайтиришга тайёр эканини маълум қилди. Бу ҳақда ТАСС Грузия ОАВга асосан хабар бермоқда.

Унинг сўзларига кўра, Тбилиси иттифоққа интеграциялашув жараёнини давом эттириш учун барча имкониятларга эгадир.

«Альянс Грузия билан Қора денгиз хавфсизлиги соҳасида ҳамкорликни кучайтириш ва кенгайтириш йўналиши бўйича аниқ қадамлар қўймоқчи», - дея маълум қилди Аппатурай.

Бундан олдин, АҚШ Россияга қарши НАТОнинг янги чораларини эълон қилмоқчи экани хабар берилганди.

АҚШ давлат котиби Майк Помпеонинг маълум қилишича, Вашингтон келгуси ҳафта Россияга қарши Украина туфайли НАТО янги чоралари эълон қилинишига умид билдирмоқда.