WSJ: Трамп миграция сиёсатини қатъийлаштирмоқчи

Фото: REUTERS

АҚШ президенти Дональд Трамп Ички хавфсизлик вазирлиги раҳбари Кирстен Нильсен истеъфога чиққанидан сўнг, миграция сиёсати соҳасидаги чора-тадбирларни янада қатъийлаштиришни режалаштирмоқда. Бу ҳақда The Wall Street Journal ёзяпти.

Нашр маълумотларига кўра, Трамп Оқ уйдаги маслаҳатчиларидан миграция қонунчилигини қатъийлаштиришда «нисбатан очиқ» иштирок этишни талаб қилган. Таъкидланишича, президент АҚШ жанубий чегараларини ноқонуний кесиб ўтган оилалар сони ўсишини секинлаштирмоқчи.

Аввалроқ, Трамп маъмурияти миграция идораларини ёпаётгани ҳақида хабарлар тарқалганди.

Бундан олдин, Трамп Мексика билан чегарани ёпиб қўйиш ҳақида таҳдид қилди.