Эрдўған Туркияда дам олаётган Зеленскийга тансоқчиларни бириктириб қўйди 

Украинанинг бўлғуси президенти Владимир Зеленский Туркиянинг Бодрумида президент Ражаб Тоййиб Эрдўған унга ажратган тансоқчилар нигоҳи остида дам олмоқда. Бу ҳақда маҳаллий полицияга иқтибос келтирган ҳолда “Страна.ua” нашри маълум қилди.  

Аввалроқ Зеленский ижтимоий тармоқларда Туркияда дам олаётганини ва бу унинг охирги 4 ой ичидаги илк дам олиш кунлари эканини маълум қилган.

“Ҳозирда курортда турли давлатлардан 20 га яқин юқори лавозимли амалдор дам олмоқда, бироқ ҳеч кимга бунчалик юқори эътибор йўқ. Зеленскийнинг Эрдўған тақдим қилган тансоқчилари жуда жиддий. Журналистлар уни ресторанда овқатланаётганда суратга олишмоқчи бўлишганда, тансоқчилар бунга кескин тарзда йўл қўйишмади”, деб маълум қилинган хабарда.