Россиядаги ёнғинда ҳалок бўлган ўзбекистонликлар рўйхати эълон қилинди 

Ўзбекистон Республикаси Фавқулодда вазиятлар вазирлиги Россия Федерациясининг Свердловск области, Тазовск районида содир бўлган ёнғин ҳодисаси тўғрисида ахборот берди.

Россия Фавқулодда вазиятлар вазирлигидан олинган хабарга кўра, 2019 йилнинг 8 декабрь куни маҳаллий вақт билан соат 03:30да Россия Федерациясининг Свердловск области, Тазовск райони, “СТРОЙ ПРОЕКТ СЕРВИС” МЧЖга тегишли бўлган, ишчилар яшаши учун мўлжалланган вагон номаълум сабабларга кўра ёниб кетган.

Содир бўлган ёнғин натижасида, вагонда бўлган 4 нафар Ўзбекистон Республикаси фуқароларидан 3 нафари воқеа жойида ҳалок бўлган ва 1 нафари 35 фоиз куйиш тан жароҳати олиб, район марказий шифохонасига ётқизилган.

Ҳалок бўлган фуқаролар:

Эргашев А.;
Алиқулов Сафарали Суюн ўғли, 1998 й.т; 
Джумоев Эргаш Биноевич, 1983 й.т.

Тан жароҳати олган фуқаро:

Оманов Толибжон Бутаевич, 1966 й.т.

Ҳозирда мутасадди ташкилот ва идоралар билан ҳамкорликда марҳумларнинг жасадларини ватанга қайтариш билан боғлик ташкилий тадбирлар амалга оширилмоқда.

Бундан олдин, Россиядаги конда содир бўлган ёнғин оқибатида 3 нафар ўзбекистонлик ҳалок бўлгани хабар қилинганди.