Хитой радио ва телевидение жамоат ташкилотлари федерацияси ҳузуридаги кинематография қўмитаси коронавирус тарқалиши сабабли мамлакат ҳудудида фильм ва сериалларни суратга олишни тақиқлади.
Қўмита баёнотида айтилишича, суратга олиш ишлари билан шуғулланадиган барча кинокомпания ва ишчи гуруҳлар тегишли буйруқ чиқмагунига қадар суратга олиш ишларини тўхтатиши шарт.
Ушбу тақиқни бузганлар қонунга асосан жазоланиши таъкидланган. Актёрлар ҳам фильмда суратга тушишни рад этиш ҳуқуқига эга.
Маълумотларга кўра, 1 февраль ҳолатига Хитойда коронавирусга чалинганлар сони 11 минг кишига етган. Беморларнинг 259 нафари вафот этган, 243 кишига касалхонадан уйига кетишга жавоб берилган.