Россиялик аёлнинг мурдаси ўз квартирасида бир ой қолиб кетди

Маълум бўлишича, 88 ёшли аёлнинг мурдаси ўз уйининг ошхонасида бир ойдан ортиқ қолиб кетган. Қўшнилар унинг уй эгаси эканлигини тасдиқлашган. Айни пайтда россиялик аёлнинг жасади ўликхонага олиб борилган ва унинг шахси ҳамда ўлим сабаблари аниқланмоқда.

Бу каби ҳолат биринчиси эмас. Россиянинг Калининград шаҳрида квартирани қўлга киритган киши хонадон айвонида мумиёга айланиб қолган эркак жасадига дуч келган. Тахминларга кўра жасад 10 йилдан ортиқ сақланган. Полиция фикрича, эркакнинг ўлигини унинг хотини 2010 йилда балконга олиб чиқиб қўйган.

Икки йил аввал кампирнинг ўзи ҳам вафот этганида у бюджет маблағлари ҳисобидан дафн қилинган. Шундан сўнг хонадон бўш қолган ва шаҳар маъмурияти ҳисобига ўтказилган.