Путин Россияда коронавирус билан боғлиқ вазият ёмонлашганини маълум қилди

Бош вазир ўринбосари Татьяна Голикова касаллик юқтириш ҳолатлари ўсганини тасдиқлади.

Фото: kremlin.ru

Россияда COVID-19 коронавирус инфекцияси билан боғлиқ вазият мураккаблашмоқда, деди мамлакат президенти Владимир Путин.

«Мамлакатда вазият мураккаблашмоқда, дунёда коронавирус билан боғлиқ вазият жудаям мураккаб», — деди Путин ҳукумат аъзолари билан видеоконференция шаклида ўтган йиғилишда.

У жаҳонда коронавирусга чалинганлар сони 850 мингдан ошганини, Россияда эса 2777тага етганини эслатиб ўтди.

Бош вазир ўринбосари Татьяна Голикова касаллик юқтириш ҳолатлари ўсганини тасдиқлади.

«Коронавирус инфекцияси юқтирган фуқаролар сони ўтган суткада 18,8 фоизга ўсди», — деди Голикова.

Голикованинг сўзларига кўра, кўрсаткичнинг ўсиши тест олишнинг кенгайиши билан ҳам изоҳланади.

Аввалроқ Россия президенти Владимир Путин ҳукуматга фавқулодда вазият режимини киритиш ваколатини берувчи қонунни имзолаганди.

Тайёрлаган Дилшод Аскаров

#Россия #Владимир Путин #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.