Фермернинг транспорти бўлмаса, экин қандай экилади?

Бугун, 11 апрель куни, АОКА ҳузуридаги штабда Адлия вазирлиги иштирокида брифинг бўлиб ўтди. Унда вазирлик бошқарма бошлиғи Ғайбулло Примов фермерлар автортранспорт воситалари ҳаракатланиши учун махсус стикер талаб қилинмаслигини маълум қилинди.

Фото: Виталий Тимкив

“Автотранспорт воситалари ҳаракатланишига махсус рухсатномалар талаб этилмайдиган ҳолатларнинг янгиланган рўйхатида айнан фермерлар йўқ экан. Аксарият фермерларнинг ери бошқа ҳудудда эканлиги нега ҳисобга олинмаган? Ҳозир айни экин-тикинни ўз вақтида экиб олиш зарур эмасми? Ерга ким уруғ қадаб беради? Ёки ҳамма фермерлар бу йил барча нарсадан озод этилганми? Бундан ташқари, ҳамма фермерда ҳам N1, яъни Лабо машинаси йўқ” – деган саволга Ғайбулло Примов:

“Кўпчилик фермерлар томонидан автотранспорт воситасида ҳаракатланиш чекланганлиги, бунинг натижасида ерга экин экиш кечикаётганлиги бўйича мурожаатлар келиб тушмоқда. Республика махсус комиссиясининг 8 апрелдаги қарорига асосан автотранспорт воситалари ҳаракатланишига махсус рухсатномалар талаб этилмайдиган ҳолатларнинг янгиланган рўйхатига қишлоқ хўжалиги техникалари ҳам киритилган. Демак, фермерлар экин экиш учун қишлоқ хўжалиги техникаларини ҳаракатлантириши мумкин, ҳеч қандай чеклов йўқ”, - дея жавоб берди.