Андижон йўлларига ҳам шовқин чиқарувчи чизиқлар тортилмоқда

Андижон вилоят ИИБ Йўл ҳаракати хавфсизлиги бошқармаси томонидан нохуш ҳодисалар кўп рўй бераётган ҳудудларга ҳайдовчиларнинг ҳушёрлигини ошириш мақсадида товуш чиқарувчи йўл чизиқлари тортилмоқда.

Куни кеча «А-373 Тошкент–Ўш» йўлининг 410- ва 419-километрларида (Андижон–Шаҳрихон йўли) шовқинли йўл чизиқлари чизилди, деб хабар бермоқда Kun.uz мухбири.

Мазкур товушли чизиқлар асфальт йўл устидан бўртиб чиқиб турувчи пластик қопламасидир. Ҳайдовчи чизиқлар устидан ўтганда автомобиль тебрангани ва ғилдираклар остидан товуш чиққанини сезади.

Маълум қилинишича, мана шундай чизиқлар вилоятнинг бошқа ҳудудларида ҳам татбиқ қилинмоқда.