Facebook Доналд Трампнинг аккаунтларини тиклади

Аввалроқ Facebook компанияси раҳбари Марк Цукерберг Трампнинг саҳифалари у лавозимидан кетмагунича блокланган ҳолда қолишини айтганди.

Фото: Reuters

АҚШ президенти Доналд Трампнинг фейсбук ва инстаграмдаги саҳифалари қайтадан ишга тушди.

Аввалроқ Facebook компанияси раҳбари Марк Цукерберг Трампнинг саҳифалари у лавозимидан кетмагунича блокланган ҳолда қолишини айтганди. Янги президент инаугурацияси 20 январ куни бўлиб ўтади.

Трампнинг тарафдорлари Капитолийга ҳужум уюштирганидан сўнг Facebook ва Twitter АҚШ президентининг аккаунтларини вақтинчалик блоклаб қўйганди. Кейинроқ Трампнинг Facebook ва Instagram’даги аккаунтларига қўйилган тақиқ номаълум муддатга узайтирилди. Трампнинг Twitter аккаунти эса бутунлай блокланди.

Бир неча кун аввал эса YouTube ҳам Трампнинг каналини блоклаб қўйди.