Чехияда юк поездлари тўқнашуви содир бўлди

Тўқнашув оқибатида поездлардан бирининг машинисти ҳалок бўлган, иккинчи поезд машинисти жароҳатланган.

Фото: eskenoviny.cz

Чехиянинг Теплице шаҳри яқинида иккита юк поезди тўқнашиб кетди. Бу ҳақда Ceske Noviny нашри хабар берди.

Хабарда айтилишича, поездлардан бирининг машинисти ҳалок бўлган, иккинчи поезд машинисти жароҳатланган.

Мамлакат темир йўл маъмурияти вакили Душан Гавенданинг сўзларига кўра,пропан-бутан ташиётган учта вагон ва кўмир ташувчи бир вагон рельслардан чиқиб кетган. Тўқнашув натижасида локомотивлардан бири ёна бошлаган.

Дастлабки тахминга кўра, тўқнашув машинистлардан бирининг сигнал олдида тўхтамагани сабабли юз берган.