Бешариқдаги аварияда «Cobalt» ҳайдовчиси вафот этди

Бешариқ туманида қувиб ўтиш қоидасини бузган «Cobalt» йўл-транспорт ҳодисасига учради, дея хабар бермоқда Фарғона вилояти Ички ишлар бошқармаси Йўл ҳаракати хавфсизлиги бошқармаси ахборот хизмати.

Маълум қилинишича, воқеа 10 май, душанба куни соат 8:50 атрофида Бешариқ туманининг Марғилон – Олтиариқ – Риштон – Каримдевона йўналишидаги автомобиль йўлида рўй берган.

Аниқланишича, «Cobalt» автомобили ҳайдовчиси Ю. исмли фуқаро машина тезлигини оширган. У қувиб ўтиш қоидасини бузиб ўтгани сабаб ЙТҲ содир бўлган. Оқибатда ҳайдовчи вафот этган.

Аввалроқ, Боғдод туманидаги ЙТҲда бир қизалоқ вафот этгани ҳақида хабар берилган эди.