Самарқанд вилояти Булунғур туманида автобус билан тўқнашган «Nexia-3» ҳайдовчиси воқеа жойида вафот этган. У шу ерда хизмат қилаётган ҳарбий хизматчи бўлган. Бу ҳақда вилоят ИИБ ЙҲХБ хабар бермоқда.
Маълум қилинишича, 2021 йил 18 май тунги соат 00:30лар атрофида давлат аҳамиятидаги 4Р47 «Булунғур-Ургут-М39» автомобиль йўлининг Булунғур тумани Кичик Килдон маҳалласи ҳудудидан ўтувчи 16-километрида шу туманда яшовчи 28 ёшли ҳайдовчи «Nexiа-3» машинасида ҳаракатланиб кетаётиб бошқарувни йўқотган. Сўнг қарама-қарши йўналишга чиқиб кетиб, ўз йўлида ҳаракатланиб келаётган 25 ёшли ҳайдовчи бошқарувидаги автобусга урилган.
Оқибатда «Nexia-3» ҳайдовчиси оғир тан жароҳатлари олиб ҳодиса юз берган жойда вафот этган. Автобус ҳайдовчиси эса шифохонага ётқизилган. Суриштирувда «Nexia-3» ҳайдовчиси яқин орадаги ҳарбий қисмда хизмат қилаётган ҳарбий хизматчи бўлгани ва у белгиланган меъёрдан ортиқ тезликда ҳаракатлангани аниқланган.
Самарқандда Damas ҳайдовчиси пиёдани уриб юбормаслик учун рулни буриб юборди, машина ағдарилиб кетди
