Россия ва Покистон газ қувури қурилиши бўйича келишув имзолади

Илгари «Шимол-Жануб» деб аталган мазкур лойиҳа март ойида «Покистон оқими» деб қайта номланганди.

Россия энергетика вазири Николай Шульгинов ва Покистоннинг Россиядаги элчиси Шафқат Али-Хон яқин вақт ичида «Покистон оқими» газ қувури қурилиши лойиҳасини амалга ошириш имконини берувчи келишувни имзолади. Бу ҳақда Россия энергетика вазирлиги маълум қилди.

Россия ва Покистон илгари «Шимол-Жануб» деб аталган мазкур лойиҳани март ойида «Покистон оқими» деб қайта номлаганди.

Аниқлик киритилишича, россиялик инвесторлар газ қувури акцияларининг камида 26 фоизига эга бўлади. Ҳужжатга кўра, акцияларнинг назорат пакети Покистон томонида қолади.