Россияда С-500 зенит-ракета тизими синовдан ўтказилди – видео

Синов давомида ҳаво ҳужумидан мудофаа мажмуаси катта тезликдаги баллистик нишонни йўқ қилган.

Россия мудофаа вазирлиги Капустин Яр полигонида янги С-500 зенит-ракета тизимини синовдан ўтказди.

Хабар қилинишича, синов давомида ҳаво ҳужумидан мудофаа мажмуаси катта тезликдаги баллистик нишонни йўқ қилган.

Мудофаа вазирлигининг билдиришича, дастлабки С-500 тизими Москва вилоятидаги ҳаво ва ракета ҳужумидан мудофаа бирлашмасига етказиб берилади.

С-500 «Прометей» — баллистик, қанотли ракеталар ҳамда аэродинамик нишонларни йўқ қилишга мўлжалланган мажмуа. У 600 км масофадаги нишонни йўқ қила олади. Ҳарбий космик кучлар қўмондони генерал-полковник Сергей Суровикиннинг сўзларига кўра, янги тизим космосдаги объектларни (шу жумладан, гипертовушли ракеталарни) ҳам уриб туширишга қодир.