Қўшимча функционаллар
-
Тунги кўриниш
Ўзбекистонга Airbus вертолётлари олиб келинди
Uzbekistan Airways парки фуқаролик авиацияси хизматини кўрсатувчи иккита Airbus вертолёти билан бойитилди. Яна иккита вертолёт октябр ойида олиб келинади.
2021 йил февраль ойида транспорт вазири ўринбосари Жасурбек Чориев ҳамда Airbus International компаниясининг Шарқий Европа ва Марказий Осиё минтақаси бўйича вице-президенти Жак Гарриг Airbus Helicopters компанияси томонидан ишлаб чиқарилувчи тўртта вертолёт хариди бўйича келишувга эришилган эди.
Маълум бўлишича, бу вертолётлардан биринчиси 4 июнда, иккинчи 12 июнда Ўзбекистонга етиб келган ва шу кунгача расмийлаштириш жараёни ўтказилган.
Келтирилган бу вертолётлар H-125 моделда бўлиб, октябрь ойида етиб келиши режалаштирилаётган H-130 моделдаги қолган иккита вертолёт бирмунча йирикроқ ўлчамда бўлади.
Бугун, 31 июль куни вертолётларнинг тақдимот маросими бўлиб ўтди. Бу Ўзбекистонда фуқаролик авиациясининг янги йўналиши очилганидан дарак беради. Тақдимот маросимида бош вазир ўринбосари Азиз Абдуҳакимов ҳам иштирок этди.
Мавзуга оид
17:00 / 18.12.2025
Uzbekistan Airways билан учувчилик карьерангизни бошланг
15:05 / 17.12.2025
Германия: янги денгиз вертолёти сувости кемаларига қарши курашни кучайтиради
07:24 / 11.12.2025
Вертолётлар экспорти: бозордаги асосий ўйинчилар кимлар?
18:39 / 29.11.2025