Самарқанд вилояти Пайариқ туманида «Nexia» ва «Isuzu» юк машинаси ўзаро тўқнашган. Оқибатда «Nexia» ҳайдовчиси турли даражада тан жароҳатлари олган. Шунингдек, ҳар иккала машина жиддий шикастланган. Бу ҳақда вилоят ИИБ ЙҲХБ ахборот хизмати хабар бермоқда.
Маълум қилинишича, жорий йил 3 август куни соат 16:30ларда Пайариқ тумани ҳудудидан ўтувчи маҳаллий 4К-493 автомобил йўлининг 7-километрида «Nexia» ва «Isuzu» юк машинаси иштирокида йўл-транспорт ҳодисаси содир бўлган.
Самарқанд-Челак йўналишида ҳаракатланиб кетаётган «Nexia» машинаси қувиб ўтиш қоидаларини бузган ҳолда ҳаракатланган. Оқибатда «Isuzu» юк машинаси билан ўзаро тўқнашув содир этган. Мазкур йўл-транспорт ҳодисасида «Nexia» машинаси ҳайдовчиси турли даражада тан жароҳатлари олган ва Пайариқ туман тиббиёт бирлашмасига мурожаат қилган. Бундан ташқари, ҳар иккала машина ҳам жиддий шикастланган.
Қайд этилишича, ҳодиса юзасидан Пайариқ тумани ИИБ ЙҲХБ ходимлари томонидан суриштирув ҳаракатлари олиб борилмоқда.
