Илк бор Исроил самолёти Саудия Арабистонига қўнди

Исроил ва Саудия Арабистони ўртасида тижорат рейслари амалга оширилмайди, чунки дипломатик муносабатлар ўрнатилмаган.

Фото: El Al Israel Airlines

Исроил хусусий реактив самолёти Саудия Арабистонининг Ар-Риёд шаҳридаги Қирол Холид номидаги аэропортга қўнди. Бу Арабистон яриморолидаги давлатнинг Исроил ҳаво кемасини илк бор қабул қилиши, деб ёзади The Jerusalem Post.

Самолёт аэропортга 26 октябр куни келиб қўнган.

Нашрнинг қайд этишича, Исроил ва Саудия Арабистони ўртасида тижорат рейслари амалга оширилмайди, чунки дипломатик муносабатлар ўрнатилмаган.

Аввалроқ Исроил биринчи марта БААга элчи тайинлаганди.

2020 йил сентябрда АҚШнинг собиқ президенти Дональд Трамп маъмуриятининг ҳаракатлари билан Вашингтонда Исроил БАА ва Баҳрайн билан муносабатларни яхшилаш тўғрисидаги ҳужжатни имзолаганди.