Нурота туманига янги ҳоким тайинланди
Президент Администрацияси мутахассиси Азамат Файзиев Нурота туманига ҳоким бўлди. Туманга шу пайтгача раҳбарлик қилиб келган Умарбек Халилов олдинроқ Экология ва атроф-муҳитни муҳофаза қилиш давлат қўмитаси раисининг биринчи ўринбосари лавозимига тайинланганди.
Навоий вилояти ҳокимлиги ахборот хизматининг маълум қилишича, бугун халқ депутатлари Нурота туман кенгашининг навбатдан ташқари сессияси бўлиб ўтган. Унда вилоят ҳокими вазифасини бажарувчи Нормат Турсунов сўзга чиқиб, Файзиев Азамат Исматовични туман ҳокими вазифасига тайинлаш тўғрисидаги вилоят ҳокимининг қарорини ўқиб эшиттирган. Қарор халқ депутатлари Нурота туман кенгаши депутатлари томонидан маъқулланган.
Азамат Файзиев бугунги кунга қадар Президент Администрацияси Маҳаллий ижро ҳокимияти органлари билан ишлаш шуъбаси бош мутахассиси вазифасида фаолият юритиб келаётган эди.
Мавзуга оид
18:02 / 16.09.2024
Ўзбекистонда илк бор раҳбарликка тайёрлайдиган қўшма таълим дастури иш бошлади
21:18 / 08.09.2024
Отабек Умаров Осиё Олимпия Кенгашининг минтақавий вице-президенти бўлди
19:01 / 03.09.2024
Президент йиғилишида ишдан олинган Мингбулоқ тумани ҳокими янги лавозимга тайинланди
15:52 / 27.08.2024