Болгария ташқи ишлар вазирлиги шунингдек, Молдовада вақтинчалик ёки доимий яшайдиган ватандошларга вазирлик сайтида рўйхатдан ўтишни тавсия қилган.
Фото: Reuters
Болгария ташқи ишлар вазирлиги мамлакат фуқароларини Молдовани тарк этишга чақирди.
"Молдова Республикаси ва унинг атрофидаги мураккаб вазиятни ҳисобга олиб, ватандошларимизни бу мамлакатга сафар қилмасликка чақирамиз. Молдова Республикасидаги фуқароларимизни ҳозирда мавжуд транспорт воситалари ёрдамида мамлакатни тарк этишга чақирамиз", - дейилади Болгария ТИВ хабарида.
Мамлакат ташқи ишлар вазирлиги шунингдек, Молдовада вақтинчалик ёки доимий яшайдиган ватандошларга вазирлик сайтида рўйхатдан ўтишни тавсия қилган.
Душанба куни тан олинмаган Днестрбўйи Молдова Республикасида уч марта портлашлар содир бўлди. Ҳудудда террорчилик хавфининг "қизил" даражаси жорий этилди.
