Қўшимча функционаллар
-
Тунги кўриниш
Шри-Ланка президенти «қўшни мамлакатда» экани айтилди
Маълумот берилишича, Готабая Ражапакса Шри-Ланкага 13 июл куни қайтади.
Фото: Twitter / NewsWireLK
Шри-Ланка президенти Готабая Ражапакса оролни тарк этган ва қўшни мамлакатда бўлиб турибди. Бу ҳақда Шри-Ланка парламенти спикери Махинда Япе Абеивардена маълум қилди.
Унинг сўзларига кўра, Ражапакса Шри-Ланкага 13 июл куни қайтади. Спикер президентнинг айнан қайси мамлакатда эканига аниқлик киритмади.
Коломбода 9 июл куни Шри-Ланка президенти Готабая Ражапаксадан ўз лавозимини тарк этишни талаб қилган бир гуруҳ намойишчилар унинг қароргоҳига бостириб кирди. Ражапакса мамлакатни тарк этгани хабар қилинди. Кейинроқ у истеъфога чиқишини маълум қилди.
Мамлакатдаги норозилик намойишлари фонида Шри-Ланка бош вазири Ранил Викремесингхе ҳам истеъфога чиқишини билдирди.
Шри-Ланка иқтисодий инқироз ҳолатида бўлиб турибди. Ҳукумат озиқ-овқат, ёнилғи ва дори-дармонлар каби муҳим импорт товарларни молиялаштира олмаяпти. Мамлакат ташқи қарзи 51 миллиард долларни ташкил этади.
Мавзуга оид
11:50 / 23.09.2024
Шри-Ланкада сўл кучлар вакили президент этиб сайланди
23:46 / 13.09.2024
Шри-Ланкада капалак ўғрилари 200 минг доллар жаримага тортилди
09:30 / 29.06.2024
Шри-Ланка Россиядан урушда ҳалок бўлганлар учун товон пули сўради
10:15 / 15.04.2023