Азиз Воитов қишлоқ хўжалиги вазири лавозимига тайинланди
Ўзбекистон президентининг фармонига мувофиқ, Азиз Ботирович Воитов қишлоқ хўжалиги вазири лавозимига тасдиқланди.
Шу муносабат билан у инвестициялар ва ташқи савдо вазирининг биринчи ўринбосари лавозимидан озод этилди. Бу ҳақда президент матбуот хизмати хабар қилди.
Куннинг биринчи ярмида Қонунчилик палатаси бу номзоднинг вазир бўлишини маъқуллаган эди.
Азиз Воитов 1980 йилда туғилган, Тошкент молия институтини “Солиқ ва солиққа тортиш” мутахассислиги бўйича битирган (2001) ҳамда Олий ишбилармонлик мактабида “Бизнес бошқаруви” бўйича таҳсил олган (2010).
Воитов ўз вақтида Ўзсаноатқурилишбанк бошқаруви раиси бўлган. 2020 йил март ойидан буён инвестициялар ва ташқи савдо вазирининг биринчи ўринбосари сифатида ишлаб келаётганди.
Эслатиб ўтамиз, ҚХВни уч йил бошқарган Жамшид Хўжаев ўтган ойда инвестициялар ва ташқи савдо вазири этиб тайинланганди.
Мавзуга оид
22:30 / 19.09.2024
Фойдаланилмаётган ерлар, бўш адирларда мевали боғлар барпо этилади
21:23 / 19.09.2024
Мултфилм: Ватанга инвестиция билан қайтган тадбиркорнинг саргузаштлари
16:25 / 19.09.2024
«Судга ижтимоий босимнинг олдини олиш учун жараён ёпиқ ўтказиляпти» – Судялар олий кенгаши Азиз Воитов иши ҳақида
08:40 / 18.09.2024