Путин Шойгунинг ўринбосарларидан бирини ишдан олди
Россия мудофаа вазири Сергей Шойгунинг моддий-техник таъминот ишлари бўйича ўринбосари Дмитрий Булгаков ишдан олинди. Бу ҳақда вазирлик ахборот хизмати хабар бермоқда.
Булгаковнинг ўрнини генерал-полковник Михаил Мизинцёв эгаллаган. Тайинловгача Мизинцев Россия мудофаасини бошқариш миллий маркази раҳбари лавозимида ишлаган ва Донбассдаги ҳарбий ҳаракатлар борасида доимий брифингларда иштирок этиб келаётганди.
Владимир Путин уруш бошланганидан буён илк марта Россия мудофаа тизимидаги юқори лавозимда ўзгариш қилди. Бунгача август ўртасида Қора денгиз флоти қўмондони Игор Осиповнинг ишдан олиниши уруш давридаги Россияда амалга оширилган энг шов-шувли истеъфо сифатида қаралаётганди.
Шойгунинг ишдан олинган эндиликда собиқ ўринбосари Дмитрий Булгаков кам сонли Россия армияси генерали унвонига эга ҳарбий мулозимлардан бири. Унинг асосий вазифаси мамлакат армиясининг моддий-техник таъминотини назорат қилиш ва ташкил этиш бўлган. Вазирлик ахборотига кўра, Булгаков бошқа ишга ўтиши муносабати билан мудофаа вазири ўринбосари лавозимидан олинган.
Мавзуга оид
21:52 / 19.09.2024
Россия асал нархини пасайтириш учун Ўзбекистондан асалари олмоқда
20:25 / 19.09.2024
Москва аэропортларида хорижликлар учун янги қоидалар жорий этилади
18:21 / 19.09.2024
Дўстона давлатлар бўйлаб турне. Шойгунинг КХДР, Эрон ва Сурияга ташрифлари ортида нима бор?
08:20 / 19.09.2024