Қўшимча функционаллар
-
Тунги кўриниш
Reuters: Столтенбергдан яна бир йил НАТО раҳбари бўлиб қолиш сўралиши мумкин
НАТО бош котиби Йенс Столтенберг ўз лавозимида яна бир йил қолиши мумкин, дея хабар бермоқда Reuters манбага таяниб.
Фото: Reuters
Тўққиз йил давомида альянс бош котиби бўлиб ишлаган ва сентябрь охирида ўз лавозимини тарк этиши керак бўлган Столтенберг НАТОда кучли қўллаб-қувватланади ва самарали етакчи бўлиб қолмоқда, деди агентлик манбаси.
«Байден маъмурияти Столтенбергни яна бир йил қолиш ғоясини кўриб чиқмоқда. Ҳозирда альянс ичида унинг ўрнини босиш бўйича консенсус мавжуд эмасдек кўринади», — деди у.
Аввалроқ Столтенберг НАТО мудофаа вазирларининг Брюсселдаги йиғилишидан сўнг альянс раҳбари сифатида ўз ваколатларини узайтиришга «интилмаётганини» айтган эди.
Столтенберг 2014 йил 1 октябрдан бери бош котиб лавозимини эгаллаб келмоқда. Унинг бу лавозимдаги мандати 2022 йил 1 октябрда тугади, бироқ 2022 йил мартида альянс мамлакатлари раҳбарлари саммит чоғида унинг ваколатини 2023 йил 30 сентябргача узайтиришга қарор қилди.
Мавзуга оид
20:49
НАТО Болтиқ денгизидаги ҳарбий иштирокини кучайтиради
15:01 / 20.12.2024
Олаф Шолц НАТО бўйича иттифоқчиларни Украинани қўллаб-қувватлашга чақирди
07:52 / 19.12.2024
НАТО Киевга ҳарбий ёрдамни мувофиқлаштиришни ўз зиммасига олди
21:58 / 16.12.2024