Тошкент шаҳрининг Шайхонтоҳур туманида йирик йўл-транспорт ҳодисаси содир бўлди.
Жорий йилнинг 19 июнь куни соат 16:30 ларда Шайхонтоҳур тумани Қоратош кўчасида ЙТҲ қайд этилган.
Тошкент шаҳар ИИББ ЙҲХБ хабарига кўра, 1970 йилда туғилган ҳайдовчи бошқарувида бўлган "Кобальт", 1984 йилда туғилган ҳайдовчи бошқарувида бўлган "Нексия-3", 1984 йилда туғилган ҳайдовчи бошқарувида бўлган "Тойота", 1990 йилда туғилган ҳайдовчи бошқарувида бўлган "Таҳое", 1958 йилда туғилган ҳайдовчи бошқарувида бўлган "Матиз" автомашиналари иштирокида йўл-транспорт ҳодисаси содир бўлган.
ЙТҲ натижасида тан жароҳат олганлар йўқ. Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.
