Вазирлар Маҳкамасининг “Йўл ҳаракати хавфсизлигини таъминлаш соҳасига замонавий ахборот технологияларини кенг жорий этиш бўйича қўшимча чора-тадбирлар тўғрисида”ги қарорига йўл ҳаракати қатнашчиларига қўшимча қулайликлар яратиш ва йўл ҳаракатини автоматлаштирилган тартибга солиш тизимини такомиллаштиришга қаратилган ўзгартиришлар киритиш ҳақида”ги қарори қабул қилинди.
Эндиликда суғурта полисининг муддати ўтган, белгиланган муддатда техник кўрикдан ўтмаган транспорт воситаларига “яшил” йўлакдан ҳаракатланишга рухсат берилади. Муқаддам бундай транспорт воситалари “қизил” йўлакдан ҳаракатланган.
Муқаддам ЙПХ стационар постларида транспорт воситаларининг тўсиқсиз ҳаракатланишини таъминлаш бўйича “яшил” ва “қизил” йўлак тизими босқичма-босқич жорий этила бошланган эди.
Ҳужжат қонун ҳужжатлари маълумотлари миллий базасида эълон қилинган ва 15.08.2023 йилдан кучга кирди.
