Исроил ҲАМАС ҳаракати қулаш арафасида эканини маълум қилди

Исроил Ғазо секторида бурилиш даври яқинлашаётганини таъкидламоқда.

Фото: РИА Новости

Фаластиннинг ҲАМАС ҳаракати қулаш арафасида, деди Исроил мудофаа вазири Йоав Галлант.

Унинг аниқлик киритишича, Исроил мудофаа кучлари (ЦАҲАЛ) Ғазо сектори шимолидаги амалиётда бурилиш нуқтасига яқинлашмоқда. Вазирнинг айтишича, исроиллик ҳарбийлар анклав шимолидаги ҳаракатнинг сўнгги таянч нуқталарини ўз назоратига олмоқда.

«Биз ҳамасчиларнинг Жабалия ва Шужайядаги сўнгги истеҳкомларини вайрон қилмоқдамиз... Улар қулаш арафасида», деди у.

Галлант ҲАМАС қўмондонларини таслим бўлишга ва ҳаётини сақлаб қолишга чақирди.

«Қўмондонларни таслим бўлишга ва ҳаётини сақлаб қолишга чақираман. ҲАМАС бошлиғи Яҳё Синвар ва ҳар бир қўмондоннинг тақдири бир хил – таслим бўлиш ёки ўлиш. Учинчи вариант йўқ», деди у.

Аввалроқ Исроил бош вазири Бинямин Нетаняҳу можаролар чоғида ҲАМАС ўз мавқеини тезда йўқотаётганини айтган эди. «Ҳаракат жангчилари қуролларини ташлаб, тез-тез таслим бўлмоқдалар», деди у.

Тайёрлаган Сардор Юсупов

#Исроил #Ҳамас #Ғазо

2023 йил 7 октябр куни Ғазо бўлгасидаги Ҳамас кучлари Исроилга ёппасига ракета зарбалари бериб, чегарадаги аҳоли пунктларини эгаллай бошлади. Бунга жавобан Исроил қўшинлари Ғазо бўлгасига бостириб кирди. Бу сафарги эскалация аввал кузатилмаган даражада кўп қурбонларга олиб келди.