Қўшимча функционаллар
-
Тунги кўриниш
Андижонда 6 туп чинорни кесганларга жиноят иши очилди
Асака туманида 6 туп кўп йиллик чинор кесиб ташланди. Бу орқали табиатга 317 млн сўм зарар етказилган.
Фото: Экология вазирлиги
Асака туманида кўп йиллик манзарали дарахтларни кесиб ташлаш ҳолати аниқланди. Бу ҳақда Андижон вилояти Экология бошқармаси матбуот хизмати хабар берди.
Маълум қилинишича, Андижон вилоят прокуратураси, вилоят Миллий гвардия ҳамда Экология бошқармалари ходимлари томонидан назорат рейд тадбири ўтказилган. Тадбир давомида Асака тумани, “Янгиобод” МФЙ ҳудудида кўп йиллик 6 туп чинор дарахти кесилгани аниқланган.
Ўтказилган суриштирувлар давомида мазкур чинор дарахтларини кесиш бўйича қонунчиликда белгиланган тартибда тегишли рухсатномалар олинмагани, “Ўсимлик дунёсини муҳофаза қилиш ва ундан фойдаланиш тўғрисида”ги қонун талаблари қўпол равишда бузилгани маълум бўлган. Чинорларни кесиш орқали ўсимлик дунёсига 317 млн 50 минг сўм миқдорида зарар етказилган.
Ҳолат юзасидан Андижон вилоят прокуратураси томонидан Жиноят кодексининг тегишли моддалари билан жиноят иши қўзғатилган.
Олдинроқ Қашқадарё ҳамда Бухорода дарахт кесганлар жаримага тортилганди.
Мавзуга оид
16:47 / 22.11.2024
Дарахтларга кимёвий воситалар билан шикаст етказганлик учун жавобгарлик белгиланди
22:45 / 19.11.2024
Маданий мерос агентлиги Андижондаги Бобур ҳайкалини кўчириш бўйича тарқалган хабарларга муносабат билдирди
10:40 / 19.11.2024
Андижонда Бобур ҳайкалини кўчириб, ўрнига савдо мажмуаси, кўнгилочар марказлар қуриш режалаштирилмоқда
21:10 / 18.11.2024