Молдова КС ЕИга интеграция бўйича референдум натижаларини маъқуллади

Молдова Конституциявий суди (КС) 31 октябр, пайшанба куни мамлакатнинг Европа интеграцияси бўйича ўтказилган референдум натижаларини маъқуллади. Референдум 20 октябр куни президентлик сайловлари билан бир вақтда бўлиб ўтди. Фуқаролар қуйидаги саволга жавоб беришлари керак эди: «Сиз Молдова Республикасининг Европа Иттифоқига қўшилиши учун Конституцияга киритилган ўзгартиришларни қўллаб-қувватлайсизми?».

МСК маълумотларига кўра, референдумда сайловчиларнинг 50,72 фоизи қатнашган. 1 миллион 532 минг 264 нафар сайловчи бюллетен олди, овоз беришда 1 миллион 531 минг 392 нафар сайловчи иштирок этди. 1 миллион 488 минг 874 нафар сайлов бюллетенлари яроқли деб топилди. Улардан 749 минг 719 нафари (50,35 фоизи) Европа интеграцияси тўғрисидаги қоидани қўллашни ёқлаб, 739 минг 155 нафари (49,65 фоиз) қарши овоз берди. Натижада Европа интеграцияси тарафдорлари бир фоиздан камроқ фарқ билан ғалаба қозонди.

Референдумдан сўнг Молдова Республикаси Коммунистлар партияси (МРКП) республика Олий судида ўз натижаларига эътироз билдирди. МРКП аъзолари овозларни қайта санашни талаб қилишди. Мурожаат кўриб чиқиш учун қабул қилинди, бироқ Конституциявий суд партияни жараён иштирокчиси деб ҳисоблашни рад этди. Натижаларни бошқа мухолиф кучлар, жумладан Молдова социалистлар партияси ҳам тан олмади.

АҚШ РФнинг Молдовадаги сайловлар 2-турига аралашувидан хавотирда

Қўшма Штатлар Россия молдоваликларнинг ўз раҳбарларини танлашдаги суверен ҳуқуқидан фойдаланишига яна тўсқинлик қилишга уриниб кўришидан хавотирда. Бу ҳақда АҚШ Давлат котиби Энтони Блинкен Молдовада президентлик сайловларининг иккинчи босқичи арафасида маълум қилди. Унинг 22 октябр куни айтган сўзларини Давлат департаменти матбуот хизмати келтирди.

«Россия Молдовада сайловлар ва референдумни бузиш ва демократияга путур етказиш учун ҳамма нарсани қилди, шу жумладан ноқонуний молиялаштириш ва овозларни сотиб олиш, дезинформация ва зарарли киберҳужумлар орқали», деди Америка дипломатияси раҳбари бу мамлакатда 20 октябрда бўлиб ўтган овоз бериш ҳақида. Ўша куни президентлик сайловлари ва Кишинёвнинг Европа интеграцияси йўналишини конституциявий мустаҳкамлаш бўйича референдум ўтказилди.