Қўшимча функционаллар
-
Тунги кўриниш
Туркияда қалбаки алкоголдан вафот этган ўзбекистонликлар сони 23 кишига етди
Истанбулдаги бош консулхонага кўра, вафот этганларнинг икки нафари — аёл. Шунингдек, спиртли ичимликдан заҳарланган баъзи Ўзбекистон фуқаролари даволаниш курсини якунлаб, шифохонадан чиққан.
Фото: Getty images
2025 йил 30 январ ҳолатига кўра, Туркия ҳудудида қалбаки спиртли ичимликдан заҳарланган Ўзбекистон фуқаролари сони 23 нафарга етди. Бу ҳақда Ўзбекистоннинг Истанбулдаги бош консулхонаси хабар берди.
Қайд этилишича, вафот этганларнинг икки нафари — аёл.
Бош консулхонага кўра, вафот этган барча фуқароларнинг жасадларини Ўзбекистонга олиб кетиш бўйича Ташқи ишлар вазирлиги ва Миграция агентлиги томонидан тегишли консуллик, ҳуқуқий ва ташкилий ёрдам кўрсатилган.
Шунингдек, баъзи ватандошлар даволаниш курсини якунлаб, шифохонадан чиққан, айримлари эса тиббий муолажаларни давом эттирмоқда.
«Ўзбекистоннинг Анқарадаги элчихонаси ва Истанбулдаги Бош консулхонаси ушбу масала бўйича назоратни давом эттирмоқда», — дейилади хабарда.
Эслатиб ўтамиз, 15 январ куни Бош консулхонага 4 нафар фуқаронинг қалбаки спиртли ичимлик истеъмол қилиш натижасида вафот этгани бўйича мурожаатлар келиб тушганди. Кейинроқ вафот этганлар сони 17 кишига етгани тўғрисида хабар берилди. Баъзи Ўзбекистон фуқаролари заҳарланган бўлса-да, уй шароитида даволанишга ҳаракат қилиб, шифохонага бормаган ҳолатлар ҳам аниқланган.
Мазкур ҳолатга алоқадорликда айбланиб, икки нафар Туркманистон фуқароси қўлга олинган ва уларга нисбатан жиноят иши очилган.
Тавсия этамиз
АҚШ 43 давлат, жумладан Россия ва Беларус фуқароларининг киришини чеклаши мумкин
Жаҳон | 17:13 / 15.03.2025
Сиёсат ва футбол: тўп яна Трампда
Жаҳон | 21:48 / 14.03.2025
Тошкентда битта хонадон нархи неча йиллик ижара ҳақига тенг?
Ўзбекистон | 20:15 / 14.03.2025
Тошкентда попкорн сотувчиларини “паноҳига олган” профилактика инспектори пора олганликда айбланди
Жамият | 19:19 / 14.03.2025
Сўнгги янгиликлар
-
Зеленский яна Москвани урушни тугатишни истамасликда айблади
Жаҳон | 14:02
-
1 минг нафар “устоз” тадбиркорларга 50 млн сўмгача грант ажратилади
Ўзбекистон | 13:52
-
Ҳусийчилар Қизил денгизда АҚШ авиаташувчи кемасига ҳужум қилинганини билдирди
Жаҳон | 13:42
-
Тошкентда Nexia-3 пиёдалар йўлагидан ўтаётган фуқарони уриб юборди
Жамият | 13:22
Мавзуга оид
15:45 / 16.03.2025
Бухоро—Истанбул рейси техник сабабларга кўра кечиктирилди
19:55 / 27.02.2025
Истанбулда Россия ва АҚШ музокаралари бўлиб ўтди
17:14 / 20.02.2025
“Зилзиладан қўрқиб, Анқарага кўчиб кетаётганлар бор” – Истанбулда кучли ер қимирлаши ва цунами кутиляпти
19:55 / 19.02.2025
Тошкентдан Истанбулга учадиган икки кунлик рейслар бекор қилинди
