Фарғона ва Урумчи ўртасида тўғридан тўғри авиақатновлар йўлга қўйиляпти

Фарғона вилояти ҳокимлиги маълумотига кўра, Ўзбекистон ва Хитой шаҳарлари ўртасида авиақатновлар кенгайтирилаётган бўлиб, яна бир янги Фарғона-Урумчи-Фарғона йўналишида авиапарвоз йўлга қўйилмоқда.

Хитойда амалий ташриф билан бўлган Фарғона вилояти ҳокими Хайрулла Бозоров бошчилигидаги вилоят делегацияси Урумчи шаҳрида янги авиақатновга тантанали старт бериш маросимида иштирок этди.

Мазкур авиапарвоз икки ҳудудни боғлаш, савдо, иқтисодий-инвестициявий ҳамкорликни ривожлантириш, туризм йўналишида муҳим аҳамият касб этади.