Архитектура-қурилиш университетида таълимнинг янги шакли жорий этилади 

“Тошкент архитектура-қурилиш университети фаолиятида таълим тизими самарадорлигини ошириш ва илмий тадқиқотларнинг амалиёт билан интеграциясини таъминлаш чора-тадбирлари тўғрисида”ги президент қарори қабул қилинди.

2025-2026 ўқув йилидан бошлаб университетда ўқитишнинг дуал таълим шакли жорий этилади. Бу эса назарий билимлар ва амалий кўникмалар уйғунлигида мутахассислар тайёрлашга хизмат қилади.

Дуал таълим дастури кредит-модул тизими асосида қуйидагича ташкил этилади:

• 1-курс талабалари учун – таълим дастурларининг 60 фоизи аудиторияларда, 40 фоизи эса қурилиш саноати корхоналарида ўтказилади;
• 2-, 3- ва 4-курс талабалари учун – 40 фоиз аудиторияларда, 60 фоиз эса ишлаб чиқариш амалиётида амалга оширилади.

Қарорда университет фаолиятининг асосий самарадорлик кўрсаткичлари белгиланди.