Хитой ташқи ишлар вазири Ван И Ўзбекистонга ташриф буюради

Қирғизистон ташқи ишлар вазири Жеэнбек Кулубаев, Ўзбекистон ташқи ишлар вазири Бахтиёр Саидов ва Тожикистон ташқи ишлар вазири Сирожиддин Муҳриддиннинг таклифига биноан Хитой ташқи ишлар вазири Ван И 19-22 ноябрь кунлари ушбу уч давлатга ташриф буюриб, ташқи ишлар вазирлари билан стратегик мулоқотлар ўтказади. Бу ҳақда Хитой ташқи ишлар вазирлиги расмий вакили Мао Нинг маълумот берди.

Унинг сўзларига кўра, Хитой раиси Си Жинпинг уч давлат етакчилари билан эришган умумий келишувларни амалга ошириш мақсадида ташқи ишлар вазири Ван И ушбу мамлакатларга ташриф буюриб, ҳамкасблари билан стратегик мулоқот ўтказади. Вазирлар икки томонлама муносабатлар, шунингдек, томонларни қизиқтирган халқаро ва минтақавий масалалар юзасидан фикр алмашади.

Хитой томони фикрича, ташриф «Хитой - Марказий Осиё» иккинчи саммити якунлари ва Хитой раиси Си Жинпинг ва Тошкент, Бишкек, Душанбе ўртасидаги умумий келишувларни тўлиқ амалга ошириш имконини беради, сиёсий ўзаро ишонч ва анъанавий дўстликни мустаҳкамлашга кўмаклашади, «Бир макон, бир йўл» ташаббуси доирасидаги юқори даражадаги ҳамкорликни чуқурлаштиради, шунингдек, «Хитой - Марказий Осиё» ҳамжамиятини барпо этишга кўпроқ ижобий ҳисса қўшади.