Қўшимча функционаллар
-
Тунги кўриниш
16 турдаги давлат монополиясини бекор қилиш режалаштирилмоқда
“Ўзбекистон–2030” стратегияси лойиҳасида монопол соҳаларни бозор тамойилларига изчил ўтказиш, иқтисодиётда хусусий сектор улушини ошириш ва тадбиркорлар учун эркин фаолият юритишга қаратилган шарт-шароитларни янада яхшилаш бўйича мақсадлар белгиланган.
Лойиҳада қайд этилишича, республикада 16 турдаги давлат монополиясини бекор қилиш ва ушбу соҳаларга хусусий секторни кенг жалб этиш режалаштирилмоқда. Мақсад — бозорда рақобат муҳитини кучайтириш, хизмат ва маҳсулотлар сифати ҳамда самарадорликни оширишдир.
Шу билан бирга, стратегия лойиҳасида иқтисодиётда нодавлат сектор улушини 85 фоизга етказиш, тадбиркорлик субъектларига хизматларни “ягона дарча” тамойили асосида онлайн портал орқали кўрсатиш ва хизмат кўрсатиш вақтини ўртача 3 бараварга қисқартириш ҳам назарда тутилган.
Қайд этилишича, рақобат муҳитини кучайтириш доирасида бозорларда рақобатни баҳолаш амалга оширилган секторлар сонини 20 тага етказиш, давлат харидларида очиқ тендер савдолари улушини 70 фоизга чиқариш каби вазифалар ҳам белгиланган.
Лойиҳада белгиланган чоралар давлат монополияларини қисқартириш ва хусусий сектор иштирокини кенгайтириш орқали иқтисодиётда рақобат муҳитини мустаҳкамлашга қаратилган.
Мавзуга оид
15:05 / 01.12.2025
Темирйўллари тизимида монополия тугатиладими?
15:51 / 27.10.2025
Марказий банк савдодаги тариф ва нотариф чекловларни камайтиришга чақирди
14:17 / 07.10.2025
“Юксалиш” ҳаракати: Божлар ёрдамида монополия яратмаслик керак
10:09 / 15.08.2025