Қўшимча функционаллар
-
Тунги кўриниш
Янги объектлар қурилишининг қарийб ярми кичик бизнес ҳиссасига тўғри келди
2025 йил январ–декабр ойларида мамлакатда янги объектлар қурилиши бўйича қурилиш фаолияти билан шуғулланувчи кичик корхона ва микрофирмалар томонидан 150 трлн сўмлик ишлар бажарилган. Уларнинг жами қурилиш ишлари ҳажмидаги улуши 47,8 фоизни ташкил этган.
Фото: Kun.uz
Миллий статистика қўмитаси эълон қилган рақамларга кўра, Ўзбекистонда янги объектлар қурилишида асосий улушни кичик корхона ва микрофирмалар бажармоқда. 2025 йил давомида мазкур тоифадаги тадбиркорлик субъектлари томонидан умумий ҳисобда 150 трлн сўмлик қурилиш ишлари амалга оширилган.
Шу билан бирга, янги объектлар қурилиши бўйича жами қурилиш ишлари ҳажмида кичик корхона ва микрофирмаларнинг улуши 47,8 фоизга етган. Бу эса мамлакатда қурилиш бозорида кичик бизнеснинг иштироки юқори эканини кўрсатади.
Янги объектлар қурилишининг корхона турлари бўйича улуши қуйидагича тақсимланган:
- йирик корхоналар — 26,4 фоиз;
- кичик корхона ва микрофирмалар — 47,8 фоиз;
- норасмий сектор — 25,8 фоиз.
Мазкур кўрсаткичлар янги қурилиш лойиҳаларини амалга оширишда кичик бизнес ва хусусий ташаббуслар муҳим ўрин тутаётганини англатади.
