АҚШ Эронга қарши яна бир «Иқтисодий қаҳр» операциясини бошлайди

АҚШ Эронга қарши «Эпик қаҳр» ҳарбий операциясини «Иқтисодий қаҳр» операцияси билан тўлдиради. Шу тариқа Вашингтон Теҳронга максимал иқтисодий босим ўтказишни режалаштирмоқда. Бу ҳақда Пентагон раҳбари Пит Ҳегсет журналистлар учун брифингда маълум қилди.

«Шу билан бирга, АҚШ молия вазири Скотт Бессент <...> «Иқтисодий қаҳр» операциясини бошлаб, бутун (Америка) ҳукумати доирасида (Эронга) иқтисодий босимни максимал даражага олиб чиқмоқда», деди Ҳегсет. Шу билан бирга, у АҚШ жанговар ҳаракатларни қайта бошлашга тайёрлигини айтди, «лекин янада кучлироқ шаклда». Пентагон раҳбари Эрон портларини блокада қилиш «қанча керак бўлса шунча вақт» давом этишини таъкидлади.

АҚШ ва Исроилнинг Эронга қарши операцияси 28 февраль куни бошланди. 7 апрель куни АҚШ президенти Доналд Трамп Эрон билан икки ҳафталик сулҳ эълон қилди. Исроил ҳам ўт очишни тўхтатиш тартибига қўшилди. 11 апрель куни Вашингтон ва Теҳрон музокаралар ўтказди, бироқ келишувга эришолмади. Эртаси куни Доналд Трамп Эрон портлари Америка кучлари томонидан қамал қилинганини эълон қилди. Оқ уй маълумотларига кўра, АҚШ Эрон билан музокараларнинг иккинчи раундини ўтказиш имкониятини муҳокама қилмоқда.