Путиннинг эҳтимолий вориси деб ҳисобланган Сергей Иванов вафот этди

Россия Мудофаа вазирлигининг собиқ раҳбари Сергей Иванов вафот этди. У 73 ёшда эди.

Фото: Михаил Климентьев / РИА Новости

Сергей Иванов сўнгги ўн йилликлардаги энг нуфузли рус амалдорларидан бири эди. Турли йилларда у бош вазир ўринбосари ва ҳукуматнинг биринчи ўринбосари, мудофаа вазири, Россия Федерацияси Хавфсизлик кенгаши котиби, президент маъмурияти раҳбари лавозимларида ишлаган.

2016 йилдан 2026 йил февралигача Иванов президентнинг атроф-муҳитни муҳофаза қилиш, экология ва транспорт масалалари бўйича махсус вакили лавозимида ишлади. Сўнгги пайтларгача у Россия Федерацияси Хавфсизлик кенгаши аъзоси бўлиб келган.

2007 йилда Иванов Владимир Путиннинг вориси бўлиш учун энг эҳтимолий номзодлардан бири ҳисобланган, аммо «аппарат курашида» Дмитрий Медведевга ютқазган.