Tramp IShIDga qarshi Rossiya, Eron va Suriya kurashishi kerakligini aytdi

AQSh prezidenti Donald Tramp IShID terrorchi guruhiga qarshi birinchi navbatda Rossiya, Eron va Suriya kurashishi kerakligini, chunki ular geografik yaqinlik jihatidan uning dushmanlari ekanligini bildirdi. U bu haqda o‘zining Twitter sahifasida yozdi.

«Suriyadan ketish syurpriz bo‘lgani yo‘q. Bu boradagi kampaniyani bir necha yil davomida olib bordim. Rossiya, Eron, Suriya va boshqalar IShIDning mahalliy dushmanlari. ...Uyga qaytish va tiklanish vaqti keldi. Amerikani yana buyuk qilamiz!» – deb yozdi u.

Chorshanba kuni AQSh prezidenti Donald Tramp Suriyada IShID ustidan g‘alaba qozonilganini ma'lum qilgandi.  Keyinroq Oq uy matbuot kotibi Sara Sanders AQSh Suriyadan qo‘shinlarini olib chiqib keta boshlaganini xabar qildi.