Чагаев Франческо Пианетга қарши жангида рингга Тимати ижросидаги қўшиқ садолари остида кўтарилади

11 июль куни Германияда Руслан Чагаев WBA йўналиши супероғир вазн тоифасида мунтазам чемпионлик унвонини сақлаб қолиш учун италиялик Франческо Пианетага қарши рингга кўтарилади.

Жанг Германиянинг “SAT 1” телеканали орқали тўғридан-тўғри трансляция қилинади. Чагаев мазкур жангда рингга россиялик машҳур рэпер Тимур Юнусов, яъни Тиматининг жонли ижродаги қўшиғи билан чиқиб келади.