Наманган туманига янги ҳоким тайинланди

Наманган тумани кенгашининг навбатдан ташқари сессиясида Шавкатжон Абдуразақов Шокиржонович туманнинг янги ҳокими сифатида тайинлангани маълум қилинди.

У янги лавозимида бошқа ишга ўтган Жавлонбек Йўлдошевни алмаштирган.

Шавкатжон Абдуразақов шу вақтгача Ўзбекистон Республикаси Вазирлар Маҳкамаси Иқтисодиёт ва ташқи иқтисодий алоқалар масалалари йиғма ахборот-таҳлил департаменти ҳудудларни комплекс ривожлантириш шўбасининг бош мутахассиси сифатида фаолият кўрсатиб келаётганди.

Маълумот учун, Наманган тумани 1920-йилларда ташкил топган. 1938 йилда Фарғона вилояти таркибига киритилган. 1941 йилдан эса Наманган вилояти таркибига. Бу туман 1960 йилда Андижон вилояти таркибига ўтган, 1967 йилдан яна Наманган вилояти таркибига қайтарилган.