FT: Google Буюк Британияга 130 млн фунт стерлинг солиқ тўлаб беради

Google компанияси солиқ тарзида Буюк Британия ғазнасига 130 млн фунт стерлинг (185,4 млн доллар) тўлайди, деб ёзмоқда Financial Times нашри. Бундан ташқари, компания келгусида юқорироқ ставка бўйича солиқ тўлашга рози бўлди.

Ушбу келишув Буюк Британиянинг солиқ йиғими бўйича шуғулланувчи бошқарма ходимларининг кўп йиллик текширувидан кейин қабул қилинди.

Таъкидланишича, бу ҳолат Google’ни солиқ тўлашдан қочаётганликда айблаётган бошқа давлатлар учун ўрнак бўлиши мумкин.

Ўз навбатида, Google Россияда антимонопол иши бўйича катта жаримага тортилади.