Хитой ва Япония чегараларни қўриқлаш бўйича келишиб олди

ХХР ва Япония мудофаа вазирликлари ўртасида ўзаро мувофиқлаштириш тизимини имкон қадар тезроқ ташкил этиш борасида келишиб олди. У ҳаво ва денгиз кенгликларини муҳофаза қилиши керак, деб хабар қилмоқда Синьхуа агентлиги.

Агентлик маълумотларига кўра, келишувга денгиз муаммосига бағишланган юқори даражадаги маслаҳатлашувларнинг олтинчи даврасида эришилган. Мулоқот Хитойнинг Хайкоу шаҳрида ташкил этилган. 

Таъкидланишича, томонлар 2017 йил мартига қадар экспертлар даражасида учрашишга келишиб олишган. Унда, денгиз ифлосланиши, трансмиллий жиноятлар, хусусан, контрабанда ва гиёҳванд моддалар савдоси каби масалалар муҳокама этилади. 

ХХР ва Япония балиқчилик соҳасида ҳамкорликни тартибга солувчи ва денгизда қидирув-қутқарув ишларини ўтказишга доир келишувларни тезроқ имзолаш зарурлигини қайд этишган. 

Икки давлат вакиллари, шунингдек, Шарқий Хитой денгизи муаммосини ҳам эътибордан четда қолдиришмаган ҳамда 2017 йил биринчи ярмида маслаҳатлашувларнинг еттинчи даврасини ўтказишга келишиб олишган.