Хитой конларидан бирида газ портлаши 12 кишининг умрига зомин бўлди

AP Photo/ Ng Han Guan

Хитойнинг Хэнань вилоятидаги кўмир конларидан бирида газ аралашмасининг портлаши оқибатида ҳалок бўлганлар сони 12 нафарга етди, деб хабар қилмоқда Синьхуа агентлиги маҳаллий ҳокимият вакилларига таянган ҳолда.

Ҳодиса 4 январь куни кечқурун Чжэнчжоу шаҳар округининг Дэнфэн музофотида содир бўлган. Портлаш чоғида 51 киши ер остида бўлган, уларнинг 39 нафари ер устига чиқишга улгурган. Яна 7 киши ер остида қолиб кетган. 6 январь куни ҳукумат вакиллари уларнинг ҳалок бўлганини тасдиқлади. Хабарларга кўра, портлашга асбоб-ускуналардан нотўғри фойдаланиш сабаб бўлгани тахмин қилинаяпти.