Евроиттифоқда Сурия можароси бўйича стратегия қабул қилинди
Европа Иттифоқи 28 мамлакатининг ташқи ишлар вазирлари Сурия можаросини тартибга келтириш бўйича стратегияни қабул қилишди. Бу ҳақида Люксембургда бўлиб ўтаётган ЕИ кенгаши баёнотига асосланиб, ТАСС агентлиги хабар берди.
"Кенгаш Суриядаги можаро ЕИга тўғридан тўғри таъсир ўтказаётганини ёдга солмоқда ва у Евроиттифоқ Сурия бўйича стратегия қабул қилиши керак деб ҳисоблайди", - таъкидланади унда.
Ҳужжатда таъкидланишича, ЕИ стратегияси олти асосий вазифага йўналтирилган: БМТнинг 2254-сонли резолюциясига мувофиқ сиёсий ўтиш орқали урушга чек қўйиш, Сурияда аҳамиятли ва умумқамровли ўтишни таъминлаш, энг муҳтож сурияликларга гуманитар ёрдам кўрсатиш йўли орқали инсонлар ҳаётини сақлаб қолиш, фуқаролик жамиятини кучайтириш орқали демократия, инсон ҳуқуқи ва сўз эркинлигини тарғиб қилиш, ўтиш даврида миллий бирлик ва адолатни тарғиб қилиш мақсадида ҳарбий жиноятлар учун жавобгарликка чақириш ҳамда Сурия халқи ва жамияти барқарорлигини қўллаб-қувватлаш.
ЕИ ташқи ишлар вазирларининг бош мавзуси Суриядаги вазиятга қаратилди. ТИВ раҳбарлари бу маслани 4-5 апрель кунлари Брюсселда бўлиб ўтадиган Сурия бўйича Халқаро конференция арафасида муҳокама қилишмоқда.
Мавзуга оид
19:08 / 17.09.2024
8 мингга яқин ўзбекистонлик Литвада яшаш учун рухсатнома олгани маълум бўлди
22:31 / 12.09.2024
Венгрия Еврокомиссияга қарши даъво аризасини киритиши мумкин
23:19 / 10.09.2024
Европа Иттифоқи Tesla ва Хитойда ишлаб чиқарилган электомобиллар учун божларни камайтиради
00:10 / 10.09.2024