Хитойлик собиқ мулозимга 36,4 млн доллар жарима солинди

ХХР қимматли қоғозларни назорат қилиш бўйича давлат қўмитасининг собиқ ходими Фэн Сяошу қимматли қоғозлар билан ноқонуний ҳаракатларни амалга оширганликда айбдор деб топилди. Sina интернет ахборот портали хабар қилишича, собиқ мулозим 251 млн юань миқдорида (36,4 млн АҚШ доллари) жарима тўлаши керак.

"Фэн Сяошу қимматли қоғозлар бозорида умрбод амалиётларни бажара олмайди", - деган қўмита расмий вакили Чжан Сяоцзюнь.

2012-2013 йилларда Хитой ҳокимиятига Си Цзиньпин раҳбарлигидаги "бешинчи авлод" ҳукумати келганидан сўнг, партия сафидаги коррупция ва бошқа жиноятларга қарши кураш кучайтирилди.